Главная » Qədr gecəsi

Qədr gecəsinin fəzilət və əməlləri

5 августа 2010 9 комментариев

Bağışlayan və Mehriban Allahın adı ilə.
Bəli biz ötən sayımızda Qədr gecəsinin fəziləti və bu haqda nəql olunan hədislər haqqında məlumat verdik. İndi isə bu gecədə edilən bəyənilən və savab olan əməlləri sizə təqdim edirik.
Əhya saxlayan şəxsə aşağıdakı əməlləri yerinə yetirmək müstəhəbdir (savabdır):
1 Qüsl etmək. Qüsl edərkən belə niyyət etməlidir: «Əhya gecəsinin qüslünü edirəm qürbətən ilallah». Bu qüslün böyük savabı vardır.
2 Səhərə qədər oyaq qalıb ibadətlə məşğul olmaq. Səhərə qədər oyaq qalıb ibadətlə məşğul olmağın mənası budur ki, insan Quranı qarşılayaraq deyir: «İlahi, sən bu gecə mənə Quran nazil edirsən və mən də bu gecə səhərə qədər oyaq qalıb onu qarşılayıram.»
3 Məscidə getmək. Məscidə getməyin mənası budur ki, insan öz məqsədini təyin edir. Yəni: «ey Allahım, bu gecə mən fəsad və pozğunluq olan yerlərə gedə bilərdim. Lakin mən sənin razılığını qazanmaq üçün Sənin evinə gəlmişəm və gələcək xoşbəxtliyimi müəyyənləşdirirəm.»
4 Qədr gecəsinin namazı, Qədr gecəsində qılınan namazın böyük şərəfatə vardır. Qədr gecəsinin namazı məğrib və işa namazları ilə sübh namazı arasındakı vaxtda qılınır. Qədr gecəsinin namazının qaydası belədir:
Niyyət: «Qədr gecəsinin namazını qılıram qürbətən ilallah». Sübh namazı kimi iki rəkətlidir. Lakin hər həmd surəsindən sonra 7 dəfə mübarək «İxlas» surəsi oxunmalıdır. Namazı qurtardıqdan dərhal sonra alını səcdəyə qoyaraq yetmiş dəfə «Əstəğfirullahə və ətubu iləyh» deyilir.
İmam Sadiq (ə) buyurur: «hər kəs bu namazı qıldıqdan sonra səcdəyə gedib yetmiş dəfə «Əstəğfirullahə və ətubu iləyh» deyərsə, səcdədən qalxmamış Allahu-təala (c.c.) onun özünün və ata-anasının günahlarını bağışlayar.»
5 Quranı başa qoyub Allahu-təalanın (c.c.), peyğəmbərin və imamların adlarına and verməklə Allahu-təaladan (c.c.) günahlarının bağışlanmasını, dünya və axirət istəklərini bildirmək. Bu əməlin mənası Allahu-təalanın (c.c.) insan üçün göndərdiyi kitabı başı üstə qoruyub saxlamaq deməkdir. Yəni: «Ey Allahım, Sən mənə hörmət edib kitab göndərirsən, mən də onu özüm üçün rəhbər və yol göstərən təyin edir və onu həmişə başım üzərində qoruyub saxlayacağam». Həzrət Peyğəmbər (s.a.a.v.) buyurur: «Hər kəs Quranı özünə rəhbər edərsə, Quran onu Cənnətə aparar. Hər kəs Quranı arxada qoyarsa və onu özünə rəhbər etməzsə, Quran onu cəhənnəmə tərəf yönəldər.» (Yəni, hər kim Quranı oxuyub ona əməl edərsə və ona tabe olarsa, Quran onu Cənnətə aparıb çıxarar. Lakin Qurana tabe olmayan şəxs, Quran oxumağına baxmayaraq, Cəhənnəmə vasil olar.)
Quranı başa qoyub Allahu-təalaya (c.c.) və 14 məsuma and verməyin mənası budur ki, «Ey Allahım, mən Sənə və Sənin ən istəkli bəndələrinə and verib tövbə edirəm və səndən öz istək və ehtiyaclarımı diləyirəm.»
Quranı baş üzərinə qoyub dua etməyin qaydası belədir:
Əvvəl Quranı açıb bu duanı oxumaq lazımdır:

Əllahummə inni əsəlukə bikitabikəl-munzəl. Və ma fihi və fihi ismukəl əkbər. Və əsmaukəl-husna. Və ma yuxafu və yurca ən təcələni min utaikə minən-nar.
Əllahummə bihəqqi həzəl-Quran və bihəqqi ən ərsəltəhu bih. Və bihəqqi kulli muminin mədəhtəhu fihi. Və bihəqqikə ələyhim fəla əhədə ərəfu bihəqqikə mink.

Sonra Quranı baş üzərinə qoyub aşağıdakıların hərəsini on dəfə de:

Bikə ya Allah (10 dəfə)
Bi Muhəmmədin (10 dəfə)
Bi Əliyyin (10 dəfə)
Bi Fatimətə (10 dəfə)
Bil Həsəni (10 dəfə)
Bil Hüseyni (10 dəfə)
Bi Əli ibn Huseyn (10 dəfə)
Bi Muhəmməd ibn Əli (10 dəfə)
Bi Cəfər ibn Muhəmməd (10 dəfə)
Bi Musa ibn Cəfər (10 dəfə)
Bi Əli ibn Musa (10 dəfə)
Bi Muhəmməd ibn Əli (10 dəfə)
Bi Əli ibn Muhəmməd (10 dəfə)
Bi Həsən ibn Əli (10 dəfə)
Bil Huccəti (10 dəfə)

Bu mübarək adlara and verən zaman Quran başa qoyulur. Andlar qurtardıqdan sonra Allahu-təaladan (c.c.) günahların bağışlanması və diləklər istənilir. Çünki bu adlara and verdikdən sonra insanın duaları mütləq qəbul olunur.
6 İmam Əli (ə) və İmam Huseyn (ə) ziyarətnaməsini oxumaq.
7 100 rəkət (sübh namazı kimi) müstəhəbbi namaz qılmaq. (Boynunda qəza namazı olan şəxs 6 günlük qəza namazlarını qıla bilər. Bunun savabı həm 100 rəkətli müstəhəb namazın savabını ödəyər, həm də 6 günlük qəza namazını qılmış olar.)
8 Peyğəmbər (s.a.a.v.) və Əhli-Beytinə salavat göndərmək.
9 Cövşən-kəbir duasını oxumaq
10 həzrət Əli (ə)-ın qatilinə lənət oxumaq. Yüz dəfə «Əllahummələn qətələtə əmirəl-möminin» (Yəni: «İlahi, Əli (ə)-ın qatillərinə lənət et»).
11 Yüz dəfə «Əstəğfirullahə rəbbi və ətubu iləyh» demək və tövbə etmək. Bu əməlin mənası belədir: İnsan keçmişdə etdiyi günahlardan peşman olub gələcəyini abadlaşdırmaq üçün Allaha söz verir. Yəni: «Ey Allahım, bu günə qədər mən səhv yolda olmuşam. Lakin bu gündən Sənin bütün əmrlərinə tabe olacaq və bir daha günah etməyəcəyəm.»

Ramazanayi.org

9 комментариев »

  • Ehli-sunne yazır:

    coooooooox sag olun ALLAH (c.c) hamimizdan razi olsunç ALLAH (c.c.) tutdugumuz oruclari, qildigimiz namazlari qebul etsin ve heqiqi namazlarda, oruclardan etsin. AMİN….

  • Əhli Sünnə+Əhli Şiə=QARDAŞ yazır:

    ALLAH razı olsun sizlərdən .Təşəkkürlər məlumatlandırdığınız üçün !

  • nankor yazır:

    Allah razi olsun bu muqeddes gecede nece hereket etmek lazimdi bildik Allah orucunuzu hacetlerinizi qebul etsin

  • HACI yazır:

    ALLAH HAMINIZIN ORUC — NAMAZINIZI QEBUL ETSIN. INWAALLAH.

  • Məryəm yazır:

    Allah sizlərdən razı olsun !!!Bayramınız mübarək!Allah Qəbul eləsin!
    Dünyanın ən gözəl kitabı QURAN.
    Dünyanın ən gözəl sözü ALLAH.
    Dünyanın ən gözəl nağılı NAMAZ.

  • İkram yazır:

    ALLAH sizlerden razi olsun
    Haqqinizi halal edin melumatinizi cap etdim

  • Heyat yazır:

    Salam. Allah razi olsun. Allah bütün müselmanlari islah elesin bu gün. Dua, oruc, niyyet, ibadet-namaz ve tövbelerini qebul elesin. Amin. Ramazan ayiniz xeyirli olsun, eziz müselmanlar…

  • Teymur yazır:

    cox sagolun Allah sizlerdan razi olsun butun oruc tutanlarin orucunu qebul etsin

  • Ya Məhdi (əf) yazır:

    İn şa Allah bu gecə Həzrəti Məhdi (əf)-ın zühuru müqəddər olar və bütün dünya ehtiyac duyduğu ədalətə qovuşar. Bu gecə ən birinci duamız zühur üçün olsun, çünki o həl olsa, bütün problemlərimiz həll olar. Allahı Həzrəti Zeynəb (sa)-nın müsibətinə and verib israrla zühuru istəyin. Atamız həbsdədir, günahlarımız Onu əsir edib. Bu gecənin ən üstün əməli İmamı tanımayan birinə Onun haqqında məlumat verib tanıtdırmaqdır. Çünki bir nəfəri hidayət etmək hər şeydən üstündür.Bu gecə Allahdan istəyək ki, bizi İmama canıyla, elmiylə, malıyla xidmət edənlərdən qərar versin. Atamız-anamız, övladlarımız, ruhumuz Ona fəda olsun!

    Allah, Öz Höccətini mənə tanıtdır, əgər Höccətini mənə tanıtdırmasan, dinimdə azaram…